อมก่อหาย คายก่ออยู่
2010-10-06 17:01 |
กำฟู่เก๊า เอาคว้างเสียไหน หรือเอาใส่ไฟ ไหลลงน้ำกว้าง
น้ำปิงใหญ่หลวง น้ำกวงใหญ่กว้าง อย่าเอาจ๋มวาง ละไว้
ถ้าอมก่อหาย ถ้าคายก่อไว้ สืบทอดกำฮ่ำ โบราณ
สืบสารกำอู้ ปั๋นสู่ลูกหลาน หื้อเป็นตำนาน สืบทอดปายหน้า
กำค่าวกำเครือ มีมาก่อนหน้า ตามภูมิปั๋ญญา สอนไว้
หื้อลูกหลานเหลน ฮ่ำเฮียนเอาไว้ จักได้สืบทอด ยาวนาน
กำค่าวเหล่านี้ ครูบาอาจารย์ สืบตอดตำนาน กำซค่าวเจี้ย
เจ้าพรมปั๋ญญา อันเป็นเก๊าเจี้ย ได้เขียนสืบมา ในคุก
กำค่าวจีบสาว กำสุขกำตุ๊ก ตี่เขียนถึงเจ้า งามงอน
ตั้งต่อนี้ไป ถ้าบ่อหมี๋ ใผฮ่ำ ใผสืบ ใผสอน
ลับลองแน่นอนสูญห๋ายเน่อเจ้า
ความเห็น
บ่ฮู้ว่าตั้งใจ๋หื้อเป๋นแบบสบายๆ หรือว่ากึ๊ดบ่ออกครับ อิอิ
แซวล่นบ่ดายเน่อครับ ยินดีจ้าดนักครับ