ค่าวฮ่ำกำจ๋า  เขียนมาฝากไว้  ม่วนงันแต๊ไบ้  ตี้ได้อู้กั๋น
บล็อกของเฮานี้  มีใจ๋กึ๊ดฝัน  หวังหื้อม่วนงัน  สุขสันติ์บ่เศร้า
เขียนมาฮอมกั๋น  ตึงวันเน่อเจ้า  ก้อยสะสมเอา   เตื้อน้อย
เริ่มจากนึ่งสอง  ล่องไปแผวร้อย  จักนักบ่หน้อย  นอนาย
ยินดียิ่งแล้ว  พี่แก้วสหาย  ตี้มาบรรยาย  สืบสายค่าวสร้อย
ตั๋วม่อนนี้หนา  มีเวลาหน้อย  เขียนมาฮอมปอย  เท่านั้น
ก๋ารค่าวกำจ๋า  หวังอาจ๋ารย์จั๊น  จ้วยสืบสานหั้น  นอนาย
สารบรรยาย  บ่สุดเสี้ยงถ้อย  ก้อยมาฟู่ต่อวันลูน  ก่อนแลนายเหยฯ   

ถึงตั่วสล่านี้  แสนตี้ขัดสน  บ่ได้กังวน  ดิ้นรนเป๋นผีบ้า
ขอทำดี   ต่อนี้ไปหน้า   กุศลจักมา  เตี่ยมกำ
หากเฮาทำดี  บ่มีหม่นจ๊ำ   แถมมีใจ๋ป้ำ  ทำบุญ
คนใดได้ฮู้  ก๊ำจูอุตหนุน  บ่มีขาดทุน  ผลบุญแผ่กว้าง
คนเฮาโลกนี้  คนมีคนจ๋น   บีมีไผ๋สักคน   หลีกพ้นไปได้
เกิดแก่เจ็บต๋าย  วุ่นวายแต้ไส้    บ่มีคนใด  หลีกพ้น
พ่องเป็นเศรษฐี  มั่งมีเหลือล้น  ร่ำรวยแต่ต้น  เดิมที
วาระสุดท้าย  ต้องตายเป๋นผี    เหลือสิ่งตี้ดี   ชั่วดีเต่าอั้น

เอ้อ...บ้านเมืองสมัย  ข้าวได้ชื้อกิ๋นเป๋นจานเป๋นห่อ  หน่อได้ชื้อกิ๋น   แผ่นดินได้ชื้ออยู่  อู่ได้ชื้อนอน  หมอนได้ชื้อหนุน  เงินทุนได้ชื้อกู้  เวลาจะอู้ก่อต้องเสี้ยงสตางค์แหมเมอะ  เอ้อ..มนุษย์เดียวกั๋น อันเรื่องหากิ๋น  มีหลายแบบ บะว่าเจ็กจี๋น ไทนฝรั่งแขก อาชีพของคนมันมีร้อยแปดประก๋าร   สติของคนหาเลี้ยงจีวิต แล้วแต่หัวคิด  ฮ่อมไผ๋ฮูมัน   สล่าตึงบะจ่างว่า ป้อลุ่งแม่ป้า  บ่าดีว่าหื้อกั๋น
พ่องฮับจ้าง พ่องขายของ สัปปะ  ส่วนสล่าแถมกำ  ฟั้นก้าขี้ดิน วาดฮูบวันค่ำ   ว่าอั้น!

ยินดีแต๊แต๊ มิตรแว่มาหา จิ๊กุ่งก็มา สล่าก็เข้า
สมกับความหวัง ดั่งใจ๋ใฝ่เฝ้า ยินกับหมู่เฮา เนอครับ
เครือออนข้าขอ ยอมือคำนับ สำหรับปี้อ้าย สองคน
เป๋นสุขเนอไท้ ปลอดภัยจุ้หน กายะกมล สุขล้นทั่วถ้วน.

ยินดีแต๊ตั๊ก  จ้าดนักจ้าดหลาย  ฮ่วมกั๋นบรรยาย  สืบสายค่าวสร้อย
ม่วนงันกั๋น  สัมพันธ์เกี่ยวก้อย   สืบสานแนวฮอย  เก่าไว้
ยินดีแต๊หนา  อาจ๋ารย์ท่านไท้  เจิญมาแอ่วได้  ตึงวัน
เว็บของเฮานี้  จักมีสีสัน  คงม่วนคงงัน  ตวยกั๋นจุผู้  

อิอิ ม่วนครับ

สวัสดีเจ้า

อ่านไปอ่านมา งง บางคำแปลไม่รู้เรื่องอะ - -"

ยินดียิ่งแล้ว เพื่อนแก้วมาหา ยอมือวันทา สวัสดีเจ้า

ล้านนาถิ่นนี้  บ่มีไหนเหมือน  บ้านจองหอเฮือน  สะอาดสะอ้าน
ความสามัคคี   ตึงดีเสี้ยงถ้าน  ยามเมื่อมีงาน   สะป๊ะ
บ่ว่างานใหญ่งานน้อย  ปอยหน้อยบวชพระ  บ่ละขว้างหื้อ   หมองมัว
มงคลสมรส  แต่งงานมีผัว  จ่วยเป๋นป้อครัว  โบะหลัวนึ่งข้าว
เป๋นประเพณี  ดีงามเน่อเจ้า    ขอหื้อหมู่เฮา  ยึดไว้

เดียวจะจ๊อยหื้อฟังเน้อ   อิอิ

พร?.สวรรค์

คนเฮาหนา    เกิดมาบ่ไร้    ทุกคนต่างได้    พรจากสวรรค์
ไผ๋เกิดมานี้   เปิ้นมีปอนปั๋น   คนอย่างคนอัน   บ่เหมือนกั๋นเน้อ
พ่องหน้าต๋าดี   ราศีบ่เศร้า   รูปงามงามเลา   เลิศลักษณ์
ต้องต๋าต้องใจ๋    ไผ๋หันก็ฮัก    แล้วมักจะได้     ดีนา
คนได้พรนี้    มีวาสนา    อาจเป็นดารา   นางแบบก็ได้
เป๋นตี้ใฝ่ฝัน   ของคนเหนือใต้   บ่าวสาวทั่วไป   แต๊เนาะ
พ่องก็ได้พร   มีเสียงม่วนเพราะ   เสนาะยามเอื้อน  กังวาน
ได้เป๋นนักฮ้อง   นักเพลงเสียงหวาน   สร้างความสำราญ   กับคนทั่วหน้า
พ่องก็ได้พร   แข็งแรงแกร่งกล้า  ได้เป๋นนักกีฬา   เลิศล้ำ
นักวิ่งนักบอล   เทนนิสว่ายน้ำ   มวยไทยมวยปล้ำ   สากล
ชนะเป๋นแชมป์   สร้างจื้อหลายหน   มีประชาชน   นิยมชอบสู้
ไปไหนมาไหน   ไผ๋ก็อวดอู้   ยกย่องเชิดชู   แซ่ซ้อง
พ่องได้ขายแฮง   เลี้ยงปากเลี้ยงต๊อง   หาชื้อเครื่องหย้อง  ครัวนอน
พ่องเก่งเฮียนฮู้    ได้เป๋นครูสอน   พ่องเก่งแต่งกลอน   สุนทรค่าวสร้อย
พ่องจ่างจ๊อยซอ   กั๋นมาแต่น่อย   ซอต๋ามงานปอย   บวชพระ
พ่องก็เก่งก๋าร  จักสานสับป๊ะ   ศิลปะวาดปั้น   งามดี
พ่องเก่งจัดดอกไม้   แป๋งขันบายสี   พ่องเก่งดลตรี  ดีดสีเป่าได้
พ่องมีสมอง   ท่องจ๋ำดีไบ้   พ่องเก่งรำไทย   อ่อนช้อย
พ่องก็เก่งก๋าร   เย็บปักถักร้อย  ฝีมือบ่ด้อย   สักงาน
พ่องก็เก่งนัก   เรื่องทำอาหาร   พ่องก็ชำนาญ   แกว่นก๋ารฟู่อู้
แนะนำหยังไผ๋   เป๋นได้หลิ่งหลู้   ลิงยัวหลับจู   บ่ไว้
พ่องก็ชำนาญ  ในงานช่างไม้   แป๋งตู้เตียงได้   งดงาม
พรสวรรค์นี้   ไผ๋มีก็ต๋าม  ต้องถือเป๋นความ  โจคดีตั๋วเจ้า
มีพรสวรรค์  หมันแสวงเข้า  ฮู้จักนำเอา   ออกใจ๊
อาจปาต๋น  หื้อป๊นยากไร้   สร้างจื้อเสียงได้  แถมตวย
ถึงหน้าต๋านี้  บ่หล่อบ่สวย  แต่อาจร่ำรวย  ความคิดบ่หน้อย
ใจ๊ปมเด่นตั๋ว   มาลบป๋มด้อย   สองสักเกตกอย   ผ่อเต๊อะ
ค้นหาส่วนดี   ตี้มีป่าเลอะ  อาจเจอะมันเข้า   สักอัน
เอาส่วนดีนี้   อกมาสร้างสรรค์   เป๋นคุณอนันต์   กับตั๋วเน้อเจ้า
แต่ถ้าบ่มี   บ่ดีนั่งเศร้า   จงภูมใจ๋เฮา   แต้ตั๊ก
ได้เกิดเป๋นคน   ก็บุญยิ่งนัก   ฮู้จักปลงได้   ก็ดี   
คนเฮาสุดท้าย   ต้องต๋ายเป๋นผี  บ่เว้นจ๋นมี  ชั่วดีหล๊วกไบ้
ปอใจ๋สิ่งมี   ยินดีสิ่งได้   จะเป๋นสุขใน  จีวิต
ค่าวล้านนา  ม่อนมาแต่งคิด  กากผิดบาทถ้อย  กำใด
ขออภัย  ทุกคนเน้อเจ้า   เต้าอี้สู่กันฟัง   ก่อนแลนายเหย?

หวัดดีเจ้า

ถึงแม้ว่าจะอ่านบ่ฮู้เรื่องนัก แต่ก็ขอฝากเนื้อฝากตั๋วโตยเน้อเจ้า

ก้าฝาก 10 บาท เน้อ อั้นก่อเอากวางมาแลกเอาเน้อ

อิอิ

อู้เล่นบ่ดายเน้อ

ยินดีเจ้า doraemonmilk

เอากวางมาแลกกั๋นกา เหอะๆ บ่ดี  ๆ 5555 ต้องเอาอย่างอื่นมาแลกกั๋นก่ะ

doraemonmilk โก่งกิ๊วต๋าหวาน เข้ามาหลายวัน เอิ้นขานไจ้ไจ้
ลุงtonก็มา อู้จ๋าค่าวไส้ เอิ้นตั๊กกั๋นไป พี่น้อง
ตึงสองคนหนอ ข้าขอแซ่ซ้อง ที่น้องสองหล้า มาไจ
อายุทีฆะ วรรณะผ่องใส โภคะมากมาย ไล่หลั่งเถิงเจ้า.

โคะหยังใดนนิ  ต้นปอเป๋งลุงละ  อิอิ  อายุชาวสอองเองเน้อหน้าแก่บ่ดาย55555   ถ้าดูตัวแต้ก็ประมานสามสิบปลายๆๆ 5555555555