โครงการจุดเทียนทางปัญญา...หาตำราให้น้อง  (2553)

เพื่อนๆ ครับ  ที่นี่ล้านนาดอทคอมเฮามีโครงก๋ารใหม่มาเล่าสู่กั๋นฟังเน่อครับ
เป๋นโครงก๋ารหน้อยๆ ตี้ตั้งใจ๋จะซื้อหนังสือไปหื้อหละอ่อนบนดอยครับ
โครงก๋ารนี้  คนตี้เป๋นต้นความคิดก่อคือ อ้ายเยื้องเมืองสุพรรณครับ
ตั้งชื่อโครงก๋ารไว้ว่า "โครงการจุดเทียนทางปัญญา...หาตำราให้น้อง"
โดยจะเอาหนังสือไปบริจาคตี้ 

"โฮงเฮียนห้วยฮากไม้เหนือ"  ตำบลป่าแป๋
อำเภอแม่สะเรียง  จั๋งหวัดแม่ฮ่องสอน   

วันตี้ 11 ธันวาคม 2553 ครับ

ต๋อนแรกตั้งใจ๋ว่าจะไปก่อนหน้าฝนปี๋ 2553  นี้ครับ
แต่บ่ตัน เพราะเข้าหน้าฝนไปก่อน เพราะติดงานกั๋น
ช่วงหน้าฝนก่อเข้าบ่ได้ครับ เอ็นดูรถ อิอิ
ก่อเลยเลื่อนมาเป๋นวันตี้ 11 ธันวาคมนี้ครับ

http://kanchanapisek.or.th/kp6/GENERAL/encyclopedia/saranugrom.htm

อู้กั๋นไว้ว่าอยากจะซื้อหนังสือสารานุกรม ฉบับสำหรับเยาวชน ต๋ามโครงก๋ารของในหลวง
สัก 1 ชุด รวม 30 กว่าเล่ม ราคาประมาณหมื่นต้นๆ ครับ
จะเอาไปมอบหื้อห้องสมุดโฮงเฮียนห้วยฮากไม้เหนือ เพื่อหื้อหละอ่อนได้อ่านกั๋น
เพราะถือว่าเป๋นหนังสือตี้ดีมีประโยชน์ครับ

ต๋อนนี้ซื้อมาได้เกือบครบชุดละครับ  เหลือบางเล่มตี้ร้านหนังสือเปิ้นว่ามันหมด กำลังรอของมาใหม่
นอกนั้นอาจจะเป๋นหนังสืออื่นๆ ตี้คงต้องไปเลือกซื้อกั๋นแหมกำครับ

จึงขอเจิญจวนเพื่อนๆ กุ๊ท่านกุ๊คนตี้อยากฮ่วมทำบุญตวยกั๋น
ก่อสามารถเอาหนังสือมาบริจาคกั๋นได้เน่อครับ  หรือจะบริจาคเป๋นสะตังค์ก่อได้ครับ
หมู่เฮาจะไปฮ้องเพลงฮับบริจาคกั๋นตี้ ถนนคนเดินวัวลาย เจียงใหม่

ทุกวันเสาร์เน่อครับ เวลาตั้งแต่ ประมาณ 1 ทุ่มป๋ายเป๋นต้นไปถึงประมาณ 5 ทุ่มครับ

หมายเหตุ : ขอขอบคุณเพื่อนๆ ตี้ฮ่วมบริจาคมาก่อนหน้าแล้วตวยเน่อครับ

เดอะจิ๊กุ่ง
3 มกราคม 2553

(แก้ไขเพิ่มเติม 1 พฤศจิกายน 2553)

หมายเหตุเพิ่มเติมครับ : 

ต๋อนนี้มีเพื่อนๆ มาฮ่วมบริจาคแล้วปอสมควรครับ  รายละเอียดจะแจ้งกำลูนแหมกำครับ