ค่าว .. รักกินไม่ได้ .. เดอะจิ๊กุ่ง
2012-06-22 17:53 |
ค่าว .. รักกินไม่ได้ .. เดอะจิ๊กุ่ง
อ้ายมีแต่ฮัก แน่นหนักในใจ๋ มีแต่ดวงทัย หื้อนายนาฏเจ้า
แค่ฮักในใจ๋ บ่ใช่กับข้าว บ่อาจกิ๋นเอา อิ่มท้อง
กึ๊ดผ่อเต๊อะหนา โนจานาฏน้อง ผ่อในจิตห้อง ใจ๋ใน
อยู่กับพี่นี้ ที่บ่เอาไหน อดทนกั๋นไป อยู่ได้ก่อเจ้า
แค่คนทุกข์จ๋น ต้องทนหม่นเศร้า อดกิ๋นเกลือเอา อย่างนี้
หลอนน้องหันใจ๋ บ่ไปหลีกลี้ ยังอยู่ที่หนี้ ตวยจาย
จะฮักน้องจั๊น จ๋นวันพี่ต๋าย จะฮักแต่นาย บ่หมายอื่นผู้ บ่หมายอื่นผู้
เดอะจิ๊กุ่ง
22-6-2555
ความเห็น