![[[ ที่นี่ล้านนาดอทคอม ]]](image/logo.gif){kind=logo}
ค่าวฮ่ำฮำเสียงเพลง วันสุดท้าย cm77
2009-10-17 13:42| |
รายการค่าวฮ่ำฮำเสียงเพลง
วันสุดท้ายตี้ซีเอ็ม 77 (cm77.com)
โดย เดอะจิ๊กุ่ง 17-10-2552
ลิขิตกล๋อนจ๋า ล้านนาค่าวจ๊อย เป๋นเรื่องเป๋นถ้อย ต๋ามฮอยป๋างหลัง
ตั๋วข้าม่อนนี้ มีใจ๋กึ๊ดหวัง เผยวจนัง ยังกำค่าวสร้อย
ก้อยฟังเต๊อะหนา อาวอาใหญ่หน้อย เปื้อสานแนวฮอย เก่าไว้
ตั๋วข้าม่อนนี้ มีใจ๋กึ๊ดหวัง เผยวจนัง ยังกำค่าวสร้อย
ก้อยฟังเต๊อะหนา อาวอาใหญ่หน้อย เปื้อสานแนวฮอย เก่าไว้
สาระกำจ๋า ล้านนาค่าวไจ้ ขอเฮาอย่าได้ ลืมลา
สืบสานกั๋นไว้ ใฝ่ใจ๋ศึกษา ของดีล้านนา เดิมมาก่อนกี้
ม่อนมาไขจ๋า อย่าว่าจู้จี้ ย้อนหันว่าดี แต๊ตั๊ก
สืบสานกั๋นไว้ ใฝ่ใจ๋ศึกษา ของดีล้านนา เดิมมาก่อนกี้
ม่อนมาไขจ๋า อย่าว่าจู้จี้ ย้อนหันว่าดี แต๊ตั๊ก
ก้อยฟังเต๊อะหนา อาวอาตี้ฮัก ม่อนจักบอกแจ้ง ต๋ามลาย
ค่าวฮ่ำวันนี้ ยังมีบ่หลาย ค่าวไจ๊ก่อดาย เกือบหายหมดเสี้ยง
ค่าวก้อมนั้นหนา แม่ใบหน้าเกลี้ยง หาอ่านส่ำเนียง ยากล้ำ
ค่าวฮ่ำวันนี้ ยังมีบ่หลาย ค่าวไจ๊ก่อดาย เกือบหายหมดเสี้ยง
ค่าวก้อมนั้นหนา แม่ใบหน้าเกลี้ยง หาอ่านส่ำเนียง ยากล้ำ
ม่อนมากึ๊ดใจ๋ หวังได้สืบก๊ำ หื้อกำค่าวได้ ยืนยง
จึ่งเขียนแต่งไว้ ต๋ามในใจ๋จ๋ง หวังจักธำรง คงกำค่าวสร้อย
ฝากเป๋นกำจ๋า ส่งมาเป๋นถ้อย ต๋ามเสียงล่องลอย เลื่อนฟ้า
จึ่งเขียนแต่งไว้ ต๋ามในใจ๋จ๋ง หวังจักธำรง คงกำค่าวสร้อย
ฝากเป๋นกำจ๋า ส่งมาเป๋นถ้อย ต๋ามเสียงล่องลอย เลื่อนฟ้า
ฮำกับเพลงหวาน บรรเลงบ่ล้า หื้อลุงแม่ป้า ลองฟัง
ม่วนแต๊ๆ แม่ดวงบุปผัง สาตุ๊จะนัง เจิญฟังเน้อเจ้า เจิญฟังเน้อเจ้าๆ
เต้านี้สู่กั๋นฟัง ก่อนแลนายเฮย
ม่วนแต๊ๆ แม่ดวงบุปผัง สาตุ๊จะนัง เจิญฟังเน้อเจ้า เจิญฟังเน้อเจ้าๆ
เต้านี้สู่กั๋นฟัง ก่อนแลนายเฮย
เดอะจิ๊กุ่ง
ชมรมคนรักค่าว
---------------------------------------------------------
โครงก๋ารเผยแพร่ค่าวในรูปแบบซีดี
http://www.teeneelanna.com/moojoomhao/home/space.php?uid=1&do=blog&id=236
ความเห็น