ค่าวบ่สมเปิงควร (ไม่คู่ควร)
2011-07-31 09:27 |
บ่สมเปิงควร (ไม่คู่ควร)
ตั๋วพี่นี้นั้น มันอนาถา ฝันได้โนจา มาเป๋นคู่ข้าง
หลอนว่ามีกิ๋น ทรัพย์สินเต๋มห้าง จะไปขอนาง นาฏนั้น
แต่ว่าพี่จ๋น เป๋นคนต่ำจั๊น คนละขีดขั้น สังคม
เป๋นคนยากไร้ บ่ได้เหมาะสม ฮักเหมือนกับลม ต้องข่มใจ๋เศร้า
ช่างมันเต๊อะหนา โนจานาฏเจ้า ขอพี่ลักเมา เท่านั้น
บ่หวังดึงสาว นงเลานาฏจั๊น หื้อตกต่ำขั้น นอนาย
ฮักของพี่นี้ บ่มีความหมาย เป๋นเรื่องน่าอาย ของจายต่ำต้อย
เดอะจิ๊กุ่ง
30-7-2554
ขอบคุณภาพจาก http://www.thaicinema.org/kits103lastmoment3.asp
ความเห็น